Dövlət Neft Fondu qızıl ehtiyatlarını artırır - Bu doğru seçimdirmi?
“Dövlət
Neft Fondu (ARDNF) bu il investisiya portfelində qızılın payını 25%-ə çatdıracağını
bildirib. Qızıla yatırımlar qısa müddətli dövrdə müəyyən risklər daşısa da,
uzunmüddətli perspektivdə etibarlı və effektiv aktiv olaraq qalır. Tarixi təcrübə
göstərir ki, uzunmüddətli dövrlər üçün qızıl dəyərini qoruyub və iqtisadi dalğalanmalar
fonunda sabitlik təmin etməklə yanaşı, sahiblərinə əhəmiyyətli gəlir gətirir. Yəni,
bu investisiya aləti bütün dövrlərin və bütün maliyyə bazarlarının ən etibarlı
alətidir. Bu kontekstdə ARDNF-nin qızıl ilə bağlı strategiyasını məntiqli və doğru
hesab edirəm”.
Bunu News365.az –a söhbətində iqtisadçı
ekspert Eldəniz Əmirov deyib. O
bildirib ki, investisiya portfelinin strukturunu təhlil edərək risk və gəlirlilik
nisbətinin optimallaşdırılması məqsədilə bəzi dəyişikliklərin aparılmalı olduğunu
da düşünür:
“Bu
dəyişikliklər təkcə aktivlərin diversifikasiyasının gücləndirilməsi ilə məhdudlaşmamalı,
hazırkı dünya düzəninin perspektivinə uyğun daha dərin fundamental və ESG
analiz prinsiplərinə əsaslanmalıdır.
Bəli,
daha dərin fundamental və ESG analiz apara bilənlər Trampın iqtisadi-siyasi
manevrlərinin nəticəsində öz kapitallarını ciddi həcmdə artıra biləcəklər. Bunu
bacarmayan fondlar isə itkilərə məruz qalacaq”.
News365.az
