BYD Avropada sürətlə böyüyür, lakin hələ ki kiçik oyunçudur

Çin istehsalı elektrik avtomobil brendi BYD Avropa bazarında sürətlə irəliləyir, lakin hələ ki qitədə əsas oyunçular arasında yer almır.

News365.az “Le Figaro”ya istinadən xəbər verir ki, 2025-ci ilin ilk doqquz ayında BYD Avropada cəmi 80 807 avtomobil satıb. Müqayisə üçün qeyd edək ki, eyni dövrdə Volkswagen 2,2 milyon, Renault isə 915 min avtomobil satıb.

Buna baxmayaraq, BYD-nin Avropadakı bazar payı sentyabr ayında 1,5%-ə yüksəlib. Şirkət 2024-cü ilin ilk doqquz ayında yalnız 23 216 avtomobil sata bilmişdi. 2025-ci ilin eyni dövründə satışların 80 807-ə çatması, bir il ərzində əhəmiyyətli artımı göstərir.

Təkcə sentyabr ayında BYD 13 221 avtomobil satıb; 2024-cü ilin sentyabrında bu rəqəm 3 553 idi. Bu göstərici, Avropa ölkələrinin Çində istehsal olunan elektrik avtomobillərə qoyduğu məhdudiyyətlərə baxmayaraq şirkətin təsirli irəliləyişini nümayiş etdirir.

News365.az