Bu meyvənin qabığı xərçəngin inkişafını durdurur

Meyvə-tərəvəz insan sağlamlığında müstəsna rolu var. Atalarımız ona görə deyib ki. “armudu soy ye, almanı say ye”. Yəni nə qədər çox meyvə yesən bir o qədər sağlam olarsan. Maraqlıdır ki, əksər meyvələrin cəyirdəyi və qabığı də çox xeyirlidir.

Bu dəfə portağalın qabığından danışacağıq.

Elmi təcrübə çərçivəsində siçanlar altı həftə ərzində portağal qabığı ekstraktı ilə qidalanıb. Nəticələr açıq şəkildə təəccübləndirdi. Alimlər iddia edirlər ki, portağal qabığı meyvənin özündən daha sağlam ola bilər. Belə ki, son araşdırmalara görə, qabığın tərkibində çoxlu vitaminlər, antioksidantlar və iltihab əleyhinə və hətta xərçəng əleyhinə xüsusiyyətlərə malik olan digər faydalı maddələr var.

Alimlərin xüsusi diqqətini əvvəllər qreypfrut yarpaqlarında və şirəsində olan FP metabolit maddəsi cəlb etmişdir. Bu maddə portağal pulpasında da mövcuddur, lakin qabığında ən yüksək konsentrasiyada olur. İndiyə qədər FP-nin bədənə, xüsusən də ürək-damar sisteminə təsiri haqqında çox az şey məlum idi.

Beynəlxalq tədqiqatçılar qrupu bu məsələni araşdırmaq qərarına gəlib. Təcrübənin bir hissəsi olaraq siçanlar altı həftə ərzində portağal qabığı ekstraktı ilə qidalanıb. Nəticələr gəmiricilərin qanında iltihabın və ürək-damar xəstəliklərinin biomarkerlərinin səviyyəsinin əhəmiyyətli dərəcədə azaldığını göstərdi.

Bundan əlavə, elm adamları FP-nin çəki artımına təsirini sınaqdan keçirdilər. Bir qrup siçana FP əlavə edilmiş yüksək kalorili lazımsız qida verildi. Bu siçanlar nəzarət qrupu ilə müqayisədə xeyli az çəki qazanıblar.

FP bağırsaq bakteriyalarının lövhə əmələ gəlməsi riskini artıran və ürək-damar xəstəlikləri, insult, infarkt, piylənmə və 2-ci tip diabetə səbəb olan əlavə məhsullar istehsal etməsinin qarşısını ala bilər.

Portağal qabığının siçanlarda olduğu kimi insanlarda da eyni təsirə malik olub-olmadığı hələ aydın deyil. Ona görə də araşdırmalar davam etdiriləcək. Bununla belə, sağlam həyat tərzini sevənlər artıq portağal qabığını öz rasionlarına daxil edə bilərlər.

İlhamə Qiyas, News365.az