Bu dünya ilə savaşan Məqsəd, dənizlə savaşa bilmədi...

Qazi, AzTV-nin əməkdaşı Məqsəd Məmmədovun faciəvi ölümü hər kəsi üzdü. Erməni gülləsi ödürmədiyi qazimizi çox sevdiyi Xəzər öldürdü.

Xatırladaq ki, ötən il qazimiz övlad itkisinin acısını yaşamışdı...

Bu acını özünün sosial səhifəsində paylaşan jurnalist Aida Eyvazlı yazır:

“Vətən müharibəsi başlayanda işini atıb, döyüşə getmişdi Məqsəd Məmmədli... AZTV-nin İnformasiya Proqramları redaksiyasının prodüsseri idi. Onu hamı sevirdi. Çılğın olduğunu bilirdik. Hisrlənəndən sonra, gəlib , üzr istəməyi var idi. Sonra da deyirdi ki, "mənə baş qoşmayın,mən davada kontuziya almış adamam..."...

Bir az bu dünyadan, bir az taleyindən, bir az özündən, bir az da ətrafdakılardan şikayətçi idi həmişə. İki il bundan əvvəl 3 yaşlı oğlunu məhəllədə təsadüfən maşın vurub öldürdü. Elə təzəcə öyrəşirdi bu itkinin ağırlığına...

İki institut bitirmişdi. Diplomlu jurnalist idi. Deyidi ki, gərək müharibədə öləydim... Dostlarım öldü mən sağ qaldım... Onlar məndən daha bəxtəvər idilər.

Hər gün işə anasının bişirdiyi yeməyi gətirib ləzzətlə yeyərdi. Deyirdim "Məqsəd, ana yeməyi ləzzətli olur...".

Gənc ailəsindən ayrılmışdı. Lakin 7 yaşlı qızını gedib hər həftə görürdü. Barışmaq istəyirdi ailəsi ilə...

Bu dünya ilə savaşan Məqsəd, dənizlə savaşa bilmədi. Dəli dəniz onu bizdən aldı. Məqsəd həm də bizim departamentin ərköyünü idi...

Qulağımız səsdədir. Bax elə indicə səs-küylə gəlib , kimisə çəkilişə göndərəcək...

Yox... gəlmir....

Elə insanlar var ki, səssiz ölüb gedirlər, heç yadda qalmırlar... Məqsəd isə bizim yaddaşımızdan silinməyəcək..

Xəbərlər departamentinin bu gün səs-küyü azalıb elə bil...

Dəli olub bu dəniz...

Dəli olmasa, bu qədər insanı çənginə alıb udmaz...

Həmkarlarımızdan biri bayaq danışırdı ki: "Mənim rəhmətlik bibim deyərdi ki. dəniz həmişə geri çəkiləndə, suyu azalanda, çoxlu adam udur. İnsan qanından doyandan sonra, yenə geri qayıdır...".

Bu mif olsa da, mən bu mifin gerçəkliyinə inanıram.

10 gün içərisində iki əməkdaşımızın ailəsini tükəndirdi bu Xəzər...”

Rəhilə Həmidovanın 12 və 22 yaşlı qardaşlarını bir göz qırpımında uddu...

Mən bu dənizi sevirdim...İndi sevmirəm.

Dəlinin nəyini sevəcəyəm ki...

Dəli olub bu dəniz...”

News365.az