Bakı–Şamaxı–Yevlax yolunu buz bağlayıb, qəza olub

Bakı–Şamaxı–Yevlax avtomobil yolunun bəzi hissələri buz bağlayıb.

News365.az xəbər verir ki, buzlaşma daha çox Qobustan rayonu ərazisindən keçən hissədə müşahidə olunur.

Yaranmış vəziyyətlə əlaqədar Azərbaycan Avtomobil Yolları Dövlət Agentliyinin (AAYDA) 4 nömrəli Magistral Yolların İstismarı MMC-nin canlı qüvvəsi və xüsusi təyinatlı texnikaları əraziyə cəlb edilib. Yolun təhlükəli sayılan döngəli və enişli-yoxuşlu hissələrinə duz-qum qarışığı səpilib.

Sürüşmə səbəbindən yolun Şamaxıdan keçən hissəsində iki minik avtomobilinin iştirakı ilə yol-nəqliyyat hadisəsi qeydə alınıb, xəsarət alan olmayıb.