Sürətli arıqlama təhlükəlidir? - Qidalanma mütəxəssisindən VACİB AÇIQLAMA

Qış aylarından sonra bir çox insan artıq çəkidən qurtulub yaz mövsümünə daha formada daxil olmağa çalışır. Lakin mütəxəssislər xəbərdarlıq edirlər ki, sürətli nəticə əldə etmək istəyi ilə edilən yanlış diet və davranışlar həm arıqlama prosesini ləngidir, həm də sağlamlıq üçün ciddi risklər yarada bilər.

News365.az-ın məlumatına görə, qidalanma mütəxəssisi Ceren Güven bildirir ki, yaz mövsümü çoxları üçün “yenilənmə dövrü” kimi qəbul olunsa da, istənilən nəticənin əldə olunmamasının əsas səbəbi gündəlik həyat tərzində edilən səhvlərdir. Onun sözlərinə görə, xüsusilə nəzarətsiz pəhrizlər və arıqlama vasitələri qaraciyər də daxil olmaqla orqanizmə mənfi təsir göstərə bilər.

Mütəxəssis arıqlama prosesini çətinləşdirən əsas səhvləri belə izah edir:

Uzun müddət ac qalmaq – orqanizmin metabolizmini zəiflədir və sonradan daha çox qida qəbuluna səbəb olur.
Kifayət qədər protein almamaq – əzələ itkisi yaradır və yağ yandırma prosesini yavaşladır.
Az su içmək – maddələr mübadiləsini zəiflədir və aclıq hissini artırır.
Həddindən artıq aşağı kalorili diyetalar – qısa müddətdə nəticə versə də, davamlı olmur və çəkinin geri qayıtmasına səbəb olur.
Hərəkətsiz həyat tərzi – kalori sərfini azaldır və arıqlamanı ləngidir.
Yuxu pozuntusu – aclıq hormonlarını artıraraq daha çox qida qəbuluna yol açır.
Stress və emosional qidalanma – xüsusilə yüksək kalorili qidalara meyli gücləndirir.
Arıqlama çaylarının nəzarətsiz istifadəsi – əsasən su itkisi yaradır və sağlamlıq üçün risk daşıyır.

Mütəxəssislər vurğulayırlar ki, sağlam şəkildə çəki itirmək üçün balanslı qidalanma, kifayət qədər su qəbulu, müntəzəm fiziki aktivlik və düzgün yuxu rejimi əsas şərtlərdir.

News365.az