Ana sevgisinin möcüzəsi - FOTO

   Dünyada elə bir sevgi var ki, onun bənzəri yoxdur. Sevginin ən yüksək, ən müqəddəs mərtəbəsi - ana sevgisidir. 

    Ana sevgisi, həyatın ən saf, ən müqəddəs və dəyişməz hissidir. Bəşər övladının həyat yolundakı ən böyük dayağı və istiqamətverəni anadır. Ana - övlad üçün yalnız ailə üzvü deyil; həm də həyatın bütün çətinliklərinə qarşı duran görünməz bir qaladır. Onun sevgisi təmənnasızdır, səbrində sərhəd yoxdur, fədakarlığı isə insan iradəsinin ən saf təcəssümüdür.

Övladın ilk addımı, ilk sözü, ilk gülüşü - hamısının arxasında bir qadının sonsuz zəhməti, gecələrin oyaqlığı, gündüzlərin yorğunluğu dayanır. Ana özünü deyil, övladını düşünür. Öz arzularından keçib övladının arzularına yol açır. Bu, insan həyatında başqa heç bir münasibətdə görünməyən nadir və müqəddəs bir haldır.

     Səbr isə ananın ən güclü silahıdır. Çətinliklər qarşısında sınmayan, yükü ağır olsa da yorulmayan varlıq - anadır. Onun səbrində övlad üçün həm güc, həm ümid, həm də gələcək var.

Hər bir insan şəxsiyyətində, düşüncəsində və seçimlərində anasının izini daşıyır. Övladın davranışları, insanlara münasibəti, həyata baxışı - hamısı ananın təlqin etdiyi dəyərlərin nəticəsidir. Deməli, ana yalnız övlad böyütmür; o, cəmiyyətin gələcəyini formalaşdırır.

Bəzən insan elə bir məqamda olur ki, bütün dünya ona qarşı çıxır. Dostlar uzaqlaşır, cəmiyyət susur, hətta özün də gücünə şübhə edirsən. Amma bir nəfər var ki, sənin içindəki işığı görməkdən heç vaxt vaz keçmir - o da anandır. Anan sənin bacaracaqlarına, potensialına, hətta hələ özünün görmədiyin tərəflərinə inanır. Onun inamı, sənin ayaqda qalma səbəbindir.Bütün qapılar üzünə bağlansa belə, bir qapı həmişə açıq qalır - ana qapısı. Anan səni anlamadan mühakimə etməz, sadəcə qucaqlayar. Ana sevgisi fırtınalı günlərdə liman, qaranlıqda işıq, susqunluqda səsdir.

     Həya­tın reallığıdır ki, fədakar analar ömrünü öz xəyallarına deyil, övladının xoşbəxtliyinə həsr edir. Onun həyatı - övladının arzularıdır. O, öz gülüşünü belə övladının xoşbəxtliyindən alır. Bu, bəşəriyyətin tanıdığı ən saf sevgi növüdür - müqəddəs, əbədi və şərtsiz sevgi.

Dünya dəyişir, zaman keçir, amma fədakar anaların adı tarix boyu heç vaxt kölgədə qalmır. Çünki insanlıq onların üzərində ucalır. Hər uğurlu insan öz nailiyyətlərinə görə anasına təşəkkür etməlidir, çünki bu uğurlar anaların fədakarlığı, göz yaşı və duaları sayəsində mümkündür. Ana sevgisi nəsildən-nəsilə ötürülən bir kompasdır; o, yalnız ürəyimizi istiqamətləndirmir, həm də gələcəyimizi doğru yola yönəldir. Beləliklə, fədakar analar yalnız ailənin deyil, bütöv cəmiyyətin sütunudur. Onların əvəzsiz zəhməti qarşısında baş əymək - sadəcə övlad borcu deyil, həm də insanlıq borcudur.

     “Cənnət anaların ayaqları altındadır.” Mənim anam isə həyatımın ən parlaq cənnətidir. O, mənə öyrətdi ki, qəhrəmanlar yalnız nağıllarda olmur. O, qaranlıq dünyamdakı işığımdır. Hər çətin anımda onun yanımda olduğunu hiss etmək, baxışlarındakı sevgi və əllərinin istiliyi ilə qorunduğumu bilmək, mənim üçün dünyanın ən böyük möcüzəsidir. Mənim anam yalnız övlad böyüdən qadın deyil; uğurumu paylaşan, uğursuzluğumda isə əlimi möhkəm tutan əsl qəhrəmandır. Onun sevgisi olmadan həyat mənasız, günlərim boş olardı. Mənim anam - həyatımın işığı, qürurum və ən böyük möcüzəmdir. Mən hətta deyərdim ki, onun varlığında sehirli bir güc var. Onun varlığı mənim üçün dünyadakı bütün sərvətlərdən daha qiymətlidir. Həyatımda onun övladı olmaq mənim ən böyük xoşbəxtliyimdir. Ana… sənin varlığın mənim üçün əbədi sığınacaq, sonsuz ümid və ən müqəddəs cənnətdir. Ad günün mübarək!

Ana sevgisinin möcüzəsi

    Dünyada elə bir sevgi var ki, onun bənzəri yoxdur. Sevginin ən yüksək, ən müqəddəs mərtəbəsi - ana sevgisidir. 

    Ana sevgisi, həyatın ən saf, ən müqəddəs və dəyişməz hissidir. Bəşər övladının həyat yolundakı ən böyük dayağı və istiqamətverəni anadır. Ana - övlad üçün yalnız ailə üzvü deyil; həm də həyatın bütün çətinliklərinə qarşı duran görünməz bir qaladır. Onun sevgisi təmənnasızdır, səbrində sərhəd yoxdur, fədakarlığı isə insan iradəsinin ən saf təcəssümüdür.

Övladın ilk addımı, ilk sözü, ilk gülüşü - hamısının arxasında bir qadının sonsuz zəhməti, gecələrin oyaqlığı, gündüzlərin yorğunluğu dayanır. Ana özünü deyil, övladını düşünür. Öz arzularından keçib övladının arzularına yol açır. Bu, insan həyatında başqa heç bir münasibətdə görünməyən nadir və müqəddəs bir haldır.

     Səbr isə ananın ən güclü silahıdır. Çətinliklər qarşısında sınmayan, yükü ağır olsa da yorulmayan varlıq - anadır. Onun səbrində övlad üçün həm güc, həm ümid, həm də gələcək var.

Hər bir insan şəxsiyyətində, düşüncəsində və seçimlərində anasının izini daşıyır. Övladın davranışları, insanlara münasibəti, həyata baxışı - hamısı ananın təlqin etdiyi dəyərlərin nəticəsidir. Deməli, ana yalnız övlad böyütmür; o, cəmiyyətin gələcəyini formalaşdırır.

Bəzən insan elə bir məqamda olur ki, bütün dünya ona qarşı çıxır. Dostlar uzaqlaşır, cəmiyyət susur, hətta özün də gücünə şübhə edirsən. Amma bir nəfər var ki, sənin içindəki işığı görməkdən heç vaxt vaz keçmir - o da anandır. Anan sənin bacaracaqlarına, potensialına, hətta hələ özünün görmədiyin tərəflərinə inanır. Onun inamı, sənin ayaqda qalma səbəbindir.Bütün qapılar üzünə bağlansa belə, bir qapı həmişə açıq qalır - ana qapısı. Anan səni anlamadan mühakimə etməz, sadəcə qucaqlayar. Ana sevgisi fırtınalı günlərdə liman, qaranlıqda işıq, susqunluqda səsdir.

     Həya­tın reallığıdır ki, fədakar analar ömrünü öz xəyallarına deyil, övladının xoşbəxtliyinə həsr edir. Onun həyatı - övladının arzularıdır. O, öz gülüşünü belə övladının xoşbəxtliyindən alır. Bu, bəşəriyyətin tanıdığı ən saf sevgi növüdür - müqəddəs, əbədi və şərtsiz sevgi.

Dünya dəyişir, zaman keçir, amma fədakar anaların adı tarix boyu heç vaxt kölgədə qalmır. Çünki insanlıq onların üzərində ucalır. Hər uğurlu insan öz nailiyyətlərinə görə anasına təşəkkür etməlidir, çünki bu uğurlar anaların fədakarlığı, göz yaşı və duaları sayəsində mümkündür. Ana sevgisi nəsildən-nəsilə ötürülən bir kompasdır; o, yalnız ürəyimizi istiqamətləndirmir, həm də gələcəyimizi doğru yola yönəldir. Beləliklə, fədakar analar yalnız ailənin deyil, bütöv cəmiyyətin sütunudur. Onların əvəzsiz zəhməti qarşısında baş əymək - sadəcə övlad borcu deyil, həm də insanlıq borcudur.

     “Cənnət anaların ayaqları altındadır.” Mənim anam isə həyatımın ən parlaq cənnətidir. O, mənə öyrətdi ki, qəhrəmanlar yalnız nağıllarda olmur. O, qaranlıq dünyamdakı işığımdır. Hər çətin anımda onun yanımda olduğunu hiss etmək, baxışlarındakı sevgi və əllərinin istiliyi ilə qorunduğumu bilmək, mənim üçün dünyanın ən böyük möcüzəsidir. Mənim anam yalnız övlad böyüdən qadın deyil; uğurumu paylaşan, uğursuzluğumda isə əlimi möhkəm tutan əsl qəhrəmandır. Onun sevgisi olmadan həyat mənasız, günlərim boş olardı. Mənim anam - həyatımın işığı, qürurum və ən böyük möcüzəmdir. Mən hətta deyərdim ki, onun varlığında sehirli bir güc var. Onun varlığı mənim üçün dünyadakı bütün sərvətlərdən daha qiymətlidir. Həyatımda onun övladı olmaq mənim ən böyük xoşbəxtliyimdir. Ana… sənin varlığın mənim üçün əbədi sığınacaq, sonsuz ümid və ən müqəddəs cənnətdir. Ad günün mübarək!

                                                                                         Məryəm BAĞIROVA