Ağdam klubundan vacib transfer - Effekt necə olacaq?

Aleksey Kaşuk “Qarabağ”a transfer olundu.

News365.az xəbər verir ki, idman eksperti Kənan Məstəliyev transferin Ağdam klubu üçün vacib gedişat olduğunu hesab edir. 

"Bu, bu yay transfer dövrünün ən böyük transferidi. İstənilən məşqçi belə oyunçunu sərəncamında görmək istəyər. Kaşuk səviyyəsini sübut etmiş, yerli çempionatı tanıyan, çox yaxşı oyunçudu. Bəli, formada deyil, biz gördüyümüz, yadımızda qalan Kaşuk hələ formadan uzaqdı, amma uyğunlaşma dövrünü tez keçəcəyini düşünürəm. 

Addaidən sonra Kaşukun transferi cinahlardakı həm yerdəyişmə, həm də nəsildəyişməni tamamladı. Bu iki nəfər Leandro Andrade (onun qarşıdakı günlərdə “Srvena Zvezda”ya transferi gündəmdədi) və Abdullah Zubirin komandadan qışda, yaxud gələn yay mümkün gedişinin itkisiz baş verməsini təmin edəcək. Xüsusilə kapitanın əvvəlki olmadığı, köhnə günlərinin kölgəsində qalaraq özünü ara-sıra xatırlatdığı dönəmdə bu keçidlər həm də yaxşı bir ehtiyat qüvvə formalaşdırdı. 

Orta xətt tamam. Amma müdafiəyə yenə də heç kimi almadılar."