"ABŞ da dəbdən düşdü”- İqtisadçı
“Xaricdə də,
bizdə də özünü politoloq adlandıranların əksəriyyəti dünyanın dəyişdiyini hələ
də anlamırlar. Buna görə də İranın ABŞ-İsrail cütlüyünə ən azı məğlub
olmadığını normal izah edə bilmirlər. Bir-iki kitab oxuyublar, onlarda da
yazılıb ki, ABŞ və İsrail hamıdan güclüdür, beyinlərinə yeridilmiş sxemlərdən kənara
çıxa bilmirlər. Verdikləri proqnozların alt-üst olmasını etiraf etməmək naminə
indi də cəfəng şərhlər verirlər”.
Bunu News365.az-a müsahibəsində iqtisadçı Əkrəm Həsənov
deyib.
O, o əlavə
edib ki, növbə iqtisadçılarındır:
“Onlar üçün
də ABŞ dünyanın iqtidasi hegemonudur, çünki “başqa cür ola da bilməz”, halbuki,
bu artıq çoxdan belə deyil. Yaxında dollar da liderliyi tam əldən verəndə
iqtidaçılar bax beləcə axmaq şərhlər verəcəklər və bizə sübut etməyə
çalışacaqlar ki, “yox-ee, baxarsız, ABŞ hələ sözünü deyəcək”, nə bilim nə... Adamı
yandıran isə odur ki, 30 ildən çoxdur ki, ABŞ-la dost olmağa çalışırdıq. Biz
dost olan kimi ABŞ da dəbdən düşdü”.
News365.az
