Trampın qızının milyon dollarlıq zinət əşyaları müzakirə doğurdu

ABŞ-nin yeni Prezidenti Donald Trampın qızı İvanka Tramp andiçmə mərasimində taxdığı zinət əşyaları ilə gündəmə gəlib.

News365.az xəbər verir ki, Trampın qızının üzərində yer alan zinət əşyalarının ümumi dəyərinin 1,1 milyon dolları keçdiyi məlum olub.

“Leviev” brendinə məxsus brilyantlarla göz oxşayan İvankanın sırğasının 900 min dollar, boyunbağının 180 min dollar, üzüyünün isə 60 min dollar dəyərinin olduğu bildirilib.

Trampın qızının bahalı zinət əşyalarından istifadə etməsi sosial şəbəkələrdə birmənalı qarşılanmayıb və insanların narazılığına səbəb olub.