20 ay sonra ilk dəfə atası ilə görüşəcək

Britaniya şahzadəsi Harri 20 ay sonra ilk dəfə atası, Kral III Çarlzla görüşmək niyyətindədir.

News365.az xəbər verir ki, bu barədə “Daily Mirror” yazıb.

Məlumata görə, monarxın kiçik oğlu sentyabrın 8-də Kraliça II Yelizavetanın ölüm ildönümü ilə bağlı Böyük Britaniyaya səfər edəcək. 

Bildirilib ki, Kralın isə sentyabrın sonuna qədər xarici səfərləri planlaşdırılmır. 

III Çarlz sonuncu dəfə şahzadə Harri ilə 2024-cü ilin fevralında görüşüb. 

“Aydındır ki, hər iki tərəf bu görüşün baş tutmasını istəyir. Onlar genişmiqyaslı ailə problemlərinin həll edildiyi təəssüratını yaratmırlar, lakin məhz Kral və Harridən başlamaq lazımdır”, - deyə amerikalı mənbə “Daily Mirror”a bildirib.

Xatırladaq ki, şahzadə Harri 2020-ci ildən ABŞ-də yaşayır.