Zambiyada prezidentinə sui-qəsd cəhdi: İki "sehrbaz" və bir buqələmun saxlanılıb

News365.az xəbər verir ki, polisin verdiyi açıqlamaya görə, onlar ölkə prezidenti Hakainda Hiçilemaya "cazibədarlığın köməyi ilə" zərər vermək üçün işə götürülüblər. İşəgötürən tanınmış yerli siyasətçi Emmanuel Bandanın kiçik qardaşı Nelson Banda olub.

Polisin izahatlarından belə çıxır ki, "sehrbazlar" ölkənin paytaxtı Lusakada saxlanılıb. Onların üzərində "müxtəlif cadu obyektləri", həmçinin canlı buqələmun tapılıb. Hər iki şəxs ölkənin qanununa görə cinayət sayılan "cadugərlik etmək", "cadu haqqında bilikləri açıq şəkildə qəbul etmək" və "heyvanlara qarşı qəddarlıq" maddələri ilə ittiham olunub. Səlahiyyətlilərə görə, həbs olunanlar 2 milyon Zambiya kvaçası (73 min dollar) alıblar.

Onlar hazırda həbsdədirlər, hələlik vaxtı bəlli olmayan məhkəməni gözləyirlər. Zambiyanın Britaniya müstəmləkəsi olduğu 1914-cü ilə aid olan Cadu Aktı ilə onları iki ilə qədər həbs və ağır iş gözləyir.

Siyasətçi Emmanuel Banda da quldurluq ittihamı ilə həbs edilib. O, ittihamları rədd edir və həbsi siyasi motivli hesab edir.