Yaxın günlərdə ehtiyatlı olun!
Fevralın
9-da səhər Günəşdə sonuncu güc sinfinə (M) aid partlayış baş verib.
Bu barədə TASS-a Tətbiqi Geofizika İnstitutundan (Federal Dövlət Büdcə Qurumu
"IPG") məlumat verilib.
Hesabatda qeyd olunub ki, "Fevralın 9-da Moskva vaxtı ilə saat
05:27-də (Bakı vaxtı ilə saat 06:27) 4366 nömrəli günəş ləkəsi qrupunda
(N17W56) rentgen diapazonunda 30 dəqiqə davam edən M2.8 partlayış qeydə alınıb.
Nəzərə alaq
ki, belə hadisələr maqnit qasırğası yaradır. Maqnit qasırğası isə metohəssas
insanlar üçün heç də əlverişli deyil
Məsələ ilə
bağlı News365.az -a danışan həkim Rasif Bağırov belə
günlərdə bəzi insanların səhhətlərinə qarşı çox diqqətli olmalarını vacib hesab
edir:
“Belə gündə
müəyyən xroniki xəstəlik keçirmiş cavan adamlarda baş ağrıları müşahidə olunur
və belə hava əsasən 50 yaşdan yuxarı insanların səhhətinə mənfi təsir göstərir.
Məsələn, qanında müəyyən yağların miqdarı yüksək olan, qanında qatılıq olan,
bir sözlə qan təzyiqindən əziyyət çəkən insanlara belə hava pis təsir edir.
Bu da özünü baş ağrıları, halsızlıq kimi simptomlarla göstərə bilər. Belə hava
hətta hipertoniyadan ciddi əziyyət çəkən insanların ölümünə belə səbəb ola bilər.
Ona görə də bu günlərdə 50 yaşından yuxarı və qan təzyiqindən əziyyət çəkən
insanlar bir qədər diqqətli olmalıdırlar”.
News365.az
