Misir ABŞ və İranla danışıqlara qoşulub

Misir İrana qarşı aparılan müharibəni dayandırmaq məqsədilə fəal müzakirələr həyata keçirir, eyni zamanda Türkiyə və Pakistanla birgə ABŞ və İran arasında vasitəçilik missiyasını yerinə yetirir.

News365.az TASS-a istinadla xəbər verir ki, bu barədə Misirin xarici işlər naziri Bədr Abdel-Ati Beyrutda təşkil olunan brifinq zamanı bildirib.

"İranla münaqişəni bitirmək və bölgədəki kütləvi xaosun qarşısını almaq məqsədilə gərgin danışıqlar prosesindəyik", - deyə XİN rəhbəri qeyd edib.

Nazir əlavə edib ki, Misir Türkiyə və Pakistanla əməkdaşlıq çərçivəsində İran və Amerika tərəflərinə mesajların ötürülməsini təmin edir.