Ukrayna ilin əvvəlindən 2000-dən çox tank itirib

Ukrayna Silahlı Qüvvələri (VSU) bu ilin ilk üç ayında demək olar ki, 2,5 min tank və digər zirehli texnikasını itirib. Bu barədə Rusiya mediası məlumat yayıb.

Qeyd edilib ki, 2025-ci il yanvarın 1-dən aprelin 1-dək Ukrayna Silahlı Qüvvələri 10 təyyarə, 10200 pilotsuz uçuş aparatı, 11 zenit-raket kompleksi, 2495 tank və digər zirehli texnika, 29 reaktiv yaylım atəşi sistemi itirib.

Mənbə əlavə edib ki, Ukrayna Silahlı Qüvvələri 138 545 əsgərini itirib.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural