Tailandda 288 afterşok qeydə alınıb

Seysmoloqlar martın 28-dən bəri Tailandda 288 afterşok qeydə alıblar. Bu barədə ölkənin Meteorologiya Departamenti məlumat yayıb. Qurumun məlumatına görə, yeraltı təkanlar Myanmada baş vermiş dağıdıcı zəlzələnin nəticəsidir. Lakin bu avterşoklar Tailand üçün təhlükə yaratmır.

Yeraltı təkanların ümumi sayından 131-i maqnitudası 3,0-3,9, 58-i 4,0-4,9,  və10-u  5,0-5,9 bal gücündə olan avterşoklar olub. Qalan afterşokların maqnitudası 3,0-dan az olub.

Xatırladaq ki, martın 28-də Myanmada maksimum maqnitudası 7,7-yə çatan bir neçə güclü zəlzələ baş verib. Yeraltı təkanlar Tailand, Çin və Vyetnamda da hiss olunub. Nəticədə Myanmada binalara ciddi ziyan dəyib, insanlar xəsarət alıb, İrravadi çayı üzərindəki körpü uçub, tarixi Mandalay sarayı isə qismən dağılıb. Hakimiyyət fövqəladə vəziyyət elan edib.

Tural