Trampın yeni sərəncamı "iPhone"ni bahalaşdıracaq

ABŞ-də yeni ticarət tariflərinin tətbiqi "Apple" məhsullarının qiymətinin artmasına səbəb ola bilər. Bu barədə New York Times (NYT) məlumat yayıb.

Qeyd edilib ki, Donald Tramp administrasiyasının idxal olunan mallara tarifləri artırmaqla bağlı qərarı "Apple"nin məhsullarını yığan bir çox ölkələrə təsir edəcək. Belə ki, ən yüksək tariflər Vyetnamda (46%), Çində (34%) və Hindistanda (26%) tətbiq edilib.

"Nəticədə, "Apple" digər elektronika istehsalçıları kimi, seçim qarşısında qalıb: ya mənfəətə mənfi təsir edəcək əlavə xərcləri özləri ödəməlidir, ya da xərcləri istehlakçılara ötürərək məhsulların qiymətini qaldırmalıdırlar", - müəllif yazıb.

Bununla belə, keçmiş təcrübəni nəzərə alsaq, baş direktor Tim Kukun Trampın birinci prezidentliyi dövründə olduğu kimi "Apple" üçün güzəştli şərtlərin əldə olunmasına dair danışıqlar apara bilməsi mümkündür.

Tural