Aİ Ukraynaya NATO strukturlarını cəlb etmək istəyir - "Financial Times"
Avropa İttifaqı (Aİ) ölkələri Ukraynada sülhməramlı kontingenti yerləşdirərkən NATO komandanlıq strukturlarından istifadə imkanlarını araşdırırlar. Bu barədə “Financial Times” qəzeti məlumat yayıb. Nəşr öz mənbələrinə istinad edib.
Qəzet yazıb ki, Avropada yaranan yeni koalisiya tərəfindən müzakirə edilən təkliflərdən biri NATO-nun komandanlıq və nəzarət strukturlarının “Ukraynada təhlükəsizlik qüvvələrinin yerləşdirilməsində” istifadə edilməsini nəzərdə tutur. Təşəbbüs çərçivəsində sülhməramlılar NATO-nun “ümumi kəşfiyyat və müşahidə imkanlarından” istifadə edə biləcəklər.
Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.
Tural
