Ekspertlər ticarət tariflərinin qlobal iqtisadiyyata təsirini qiymətləndiriblər

ABŞ prezidenti Donald Trampın rüsum tətbiq etdiyi ölkələrdən ABŞ-yə idxalın həcmi 2025-ci ildə ən azı 10-15% azala bilər.Bu barədə “İzvestiya” qəzeti maliyyə ekspertlərinə istinadən yazıb.

Müstəqil ekspert Andrey Barxota belə hesab edir ki, ABŞ-nin rüsum tətbiq etdiyi bütün ölkələrdə inflyasiya sürətlənəcək. Lakin Avropa İttifaqı ölkələrində bu, həm də müdafiə xərclərinin artması səbəbindən daha çox nəzərə çarpacaq.

Eyni zamanda, analitiklər belə hesab edirlər ki, idxal tariflərinin artırılmasının Rusiyaya birbaşa təsiri xeyli az olacaq. Çünki 2022-ci ildən sonra Rusiya və ABŞ arasında ikitərəfli ticarətin həddən artıq kiçik həcmi qalıb. Eyni zamanda, Rusiya iqtisadiyyatına daha çox bütövlükdə qlobal iqtisadiyyatda vəziyyətin pisləşməsi və Çin iqtisadiyyatında zəif artım təsir göstərə bilər.

"Belə olan halda biz metallara, neftə, neft məhsullarına qlobal tələbatın azalacağını gözləməliyik. Bu, Rusiyanın ixracına mənfi təsir göstərə bilər", -FG Finam-dan Olqa Belenkaya deyib.

Tural