Türkiyə Qəzzaya heyət göndərməyə hazırdır

Türkiyə beynəlxalq sabitləşmə qüvvələrinə dəstək məqsədi ilə Qəzzaya öz heyətini göndərməyə hazırdır.

News365.az xəbər verir ki, bunu Türkiyənin xarici işlər naziri Hakan Fidan Vaşinqtonda keçirilən Sülh Şurasının ilk iclasında çıxışı zamanı deyib.

Hakan Fidanın sözlərinə görə, iki ildən sonra ABŞ Prezidenti Donald Trampın şəxsi təşəbbüsü və Türkiyənin müştərək səyləri ilə münaqişəyə son qoyulub:

"Qəzzada səhiyyə və təhsilin bərpasına, Qəzza polisinin təliminə dəstəyə, eləcə də beynəlxalq sabitləşmə qüvvələrinə töhfə vermək üçün biz öz heyətimizi göndərməyə də hazırıq".