TRIPP Ermənistanda: ABŞ yeni addım atdı

ABŞ dövlət katibinin siyasi məsələlər üzrə müavini Elisоn Huker Ermənistanın paytaxtı İrəvandadır. Bu səviyyədə yüksək vəzifəli rəsminin səfəri adi hadisə deyil. Rəsmi məqsəd regionda ABŞ prezidentinin “qlobal baxışının” təşviqidir.

News365.az xəbər verir ki, bu barədə erməni mediasında diqqət çəkən xəbərlər yayılıb.

Yerli medianın xəbərinə görə, diqqət mərkəzində “Beynəlxalq sülh və rifah naminə Tramp marşrutu” (TRIPP) layihəsi dayanır. Görünən odur ki, TRIPP ABŞ–Ermənistan əməkdaşlığının yeni flaqman təşəbbüsünə çevrilir.

ABŞ-ın Ermənistandakı səfirliyi Elisоn Hukerin İrəvana gəldiyini təsdiqləyib. Onun proqramında ölkə rəhbərliyi ilə görüşlər yer alır: baş nazir Nikol Paşinyan, xarici işlər naziri Ararat Mirzoyan və Təhlükəsizlik Şurasının katibi Armen Qriqoryan.

Elisоn Huker Dövlət Departamentində ABŞ-nin xarici siyasətinin həyata keçirilməsinə cavabdeh olan aparıcı diplomatdır. Bu səviyyədə rəsminin regiona göndərilməsi Vaşinqtonun bəyanatlardan praktiki siyasi nəzarətə keçdiyini göstərir.

Bu səfər, həmçinin, bir müddət əvvəl Vaşinqtonda keçirilmiş görüşlərin davamıdır. Həmin görüşlərdə Ermənistanın ABŞ-dəki səfiri Narek Mkrtçyan Huker ilə TRIPP layihəsinin başlanğıcını müzakirə edib.

Elison Hukerin səfərini və TRIPP layihəsinin irəlilədilməsini Azərbaycan-Ermənistan nizamlanmasından ayırmaq mümkün deyil.

Həmin bəyannamənin əsas bəndi – Bakı və İrəvanın suverenlik, ərazi bütövlüyü və yurisdiksiya prinsipləri əsasında kommunikasiya xətlərini açmaq öhdəliyidir.

Yerli medianın yazdığına əsasən, Elisоn Hukerin səfəri sadəcə növbəti danışıqlar raundu deyil. Bu, Vaşinqtonun bölgədə iqtisadi və siyasi təsirini genişləndirmək niyyəti ilə bağlı meqalayihə üzrə “saatların uyğunlaşdırılmasıdır”.