"Tramp Zelenskini də tənqid etməkdən çəkinmir"- Politoloqdan şərh

"Blöf siyasətinin ustası olanlar çoxdur. Eyni strategiyanı hazırda Donald Tramp-da görürük. O, tez-tez sərt bəyanatlar verərək, məsələnin həll olunmaması halında ciddi mənfi nəticələrin olacağını vurğulayır. Bununla həm Ukraynadan, həm də Rusiyadan ABŞ-ın maraqlarına uyğun razılaşmalar əldə etməyə çalışır."

Politoloq Sultan Zahidov bunu News365.az-a açıqlamasında deyib. 

"Tramp Zelenskini də tənqid etməkdən çəkinmir. O, bir tərəfdən Putinə məsələni uzatmasının problem yaratdığını bildirir, digər tərəfdən isə Zelenskini Ukraynanın müəyyən şərtlər qarşılığında geri çəkilməyə hazırlaşması ilə bağlı tənqid edir. Tramp açıq şəkildə bildirir ki, əgər belə bir geri çəkilmə baş verərsə, bunun cavabı çox sərt olacaq.

O, həmçinin neftlə bağlı ikinci dərəcəli tariflər tətbiq edə biləcəyini də qeyd edir. Tramp atəşkəsin tez bir zamanda imzalanmasını istəyir. Bununla o, həm iki slavyan ölkəsi arasında atəşkəsə nail oFlan lider kimi tarixə düşmək, həm də Ukrayna və Rusiya ilə mineral sazişləri imzalayaraq diqqətini Çin və İran kimi digər strateji istiqamətlərə yönəltmək istəyir."