Tramp narazılıq etdi: Rusiya danışıqlara yenə onu göndərir

Rusiya Ukrayna ilə danışıqlarda prezidentin köməkçisi Vladimir Medinskini yenidən nümayəndə kimi göndərəcək.

News365.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

Onun sözlərinə görə, 2 iyun tarixində İstanbulda keçirilməsi planlaşdırılan görüşdə Rusiya nümayəndə heyətinin tərkibində heç bir dəyişiklik olmayacaq və Medinski nümayəndə heyətinə rəhbərlik etməyə davam edəcək.

Qeyd edək ki, Vladimir Medinski daha əvvəl – 2022-ci ildə və cari ilin mayında da İstanbulda Ukrayna ilə aparılan danışıqlarda Rusiya tərəfinə rəhbərlik edib. Lakin onun iştirakı Qərb vasitəçilərinin, xüsusilə də ABŞ-ın narazılığına səbəb olub. Tramp administrasiyası Medinskinin danışıqlardan kənarlaşdırılmasını tələb edib. Amerikalı rəsmilər onun və digər sərt xətt tərəfdarlarının danışıqlarda iştirakını məqsədəuyğun hesab etmir.