Tramp marşurutu bu tarixdə açılacaq

“Cənab Prezidentin “Əl-Ərəbiyyə”yə müsahibəsinə baxa bilməsəm də, mətnini tam oxudum. Kifayət qədər əhatəli, geniş və peşəkar müsahibədir. Burada həm ergion, həm də beynəlxalq siyasətlə bağlı çox vacib məsələlərə toxunub və gələcəyə dair ciddi mesajlar verib”.

Bunu News365.az-a müsahibəsində iqtisadçı ekspert Eldəniz Əmirov deyib. O bildirib ki, istər Rusiya və İranla münasibətlər, istər Yaxın Şərqdə Azərbaycanın rolu, istərsə də Türk dünyası ilə bağlı strateji yanaşmaları aydın ifadə edib:

“Xüsusilə, Zəngəzur dəhlizi və ya Tramp marşrutu adlanan dəhlizin açılmasının Azərbaycan üçün sadə məsələ olduğunu vurğulayıb. Mesaj isə ondan ibarətdir ki, kim orada işləyəcəksə, hansı şirkət, podratçı, investor olursa-olsun, bu layihə texniki baxımdan qısa müddətdə, yəni 1 ilə həyata keçirilə bilər.

Bununla yanaşı, Azərbaycanın əhdəflərinin dəyişməyəcəyi, Ermənistan konstitusiyasında dəyişiklik gözləntisinin olduğu, ərazi bütövlüyümüzə təhdid olacağı təqdirdə isə bunun Ermənistan üçün fəlakətə çevriləcəyni bir daha qətiyyətlə bildirib. Həmçinin diqqətə çatdırıb ki, Azərbaycan müharibə zamqnı digər infrastruktur və mülki vətəndaşlara qarşı nəzakətli davranış sərgiləmişdir. (Yeri gəlmişkən bu Azərbaycanın çox ciddi.üstünlüyünə.çevrildi sonra)

Enerji təhlükəsizliyi, bərpaolunan enerji sahəsində Körfəz ölkələrinin iştirakı və Türk Dövlətləri Təşkilatının gələcək qlobal rolu ilə bağlı mühüm məqamlar da xüsusi qeyd etdi.

Əlqərəz, bu müsahibəni oxuyanda aydın olur ki, Azərbaycanın məqsədi dəyişməyib. Ölkə öz yolunu sülh, sabitlik və əməkdaşlıq üzərində qurur. Yəni biz sadəcə hörmət və sülh istəyirik!”

News365.az