Şəhid atası: Həmkarlar İttifaqı bizi təhqir etdi - VIDEO
Novruz və Ramazan bayramları münasibəti ilə müəyyən aksiyalar keçirildi. Amma bəzi təşkilatların bu aksiyalara başdansovdu yanaşması yerlərdə ciddi narazılığıa səbəb olub. Məsələn, Azərbaycan Həmkarlar İttifaqları Konfederasiyası (AHİK) və onun tabeliyində olan Azərbaycan Təhsil İşçiləri Azad Həmkarlar İttifaqının(ATİAHİ) əlamətdar günlərdə müxtəlif sosial qruplardan olan olan şəxslərə göndərdiyi yardım və sovqatlar dəfələrlə geniş müzakirə və narazılıqlara səbəb olub.
News365.az xəbər verir ki, Təhsil İşçiləri Azad Həmkarlar İttifaqının yerli strukturunun Fizuli rayonunda şəhid Məhəmmədəli İsmayıllının ailəsinə göndərdiyi hədiyyə sovqatı ailə başçısı Elxan Quliyevin ciddi və haqlı narazılığına səbəb olub.
Şəhid atası Prezident İlham Əliyevə və xalqa üz tutaraq onun ailəsinə göndərilən dəyəri 17-18 manatlıq yardıma etiraz edərək Həmkarlar İttifaqının fəaliyyətini sərt tənqid edib. O, şəhid ailələrinin dilənçi olmadığını və onlara qarşı belə münasibətin qəbuledilməz olduğunu bildirib:
"Bu cür yardımlara nə qədər vəsait yazıb mənimsəyiblərsə, onlara halal edirəm. Amma belə vəziyyətdə yardım gətirməsinlər. Bu Şəhid ailələrinə təhqirdir. Ayıb olsun”.
Qeyd edək ki, Şəhid atasının müraciəti “Təhsil Media” platformasının “youtube” kanalında yayınlanıb.
Qeyd edək ki, Azərbaycan Həmkarlar İttifaqları Konfederasiyasının sədri Sahib Məmmədov, Azərbaycan Təhsil İşçiləri Azad Həmkarlar İttifaqının sədri isə Araz Paşayevdir. Editor.az
