Şagirdlərin zarafatı müəllimin ölümünə səbəb oldu

ABŞ-nin Corciya ştatında şagirdlərin zarafatı müəllimin ölümünə səbəb olub.

Belə  ki, orta məktəb şagirdləri müəllimləri ilə zarafat etmək məqsədi ilə onun evinin qabağındakı ağaca tualet kağızları atıblar. Nə baş verdiyini aydınlaşdırmaq istəyən 40 yaşlı Ceyson Huqes küçəyə çıxıb. Hadisə yerinə yaxınlaşarkən o yıxılıb. Bundan təşvişə düşən gənclər avtomobillərə minərək ordan qaçmaq istəyəndə müəllimi maşınla vurublar. Ceyson Huqes hadisə yerində ölüb.

News365.az xarici KİV-ə istinadən xəbər verir ki, hadisəni törədən şagirdə ehtiyatsızlıqdan adam öldürmə ittihamı ilə cinayət işi açılıb. Mərhumun ailə isə şikayətçi olmadıqlarını və cinayət işinin bağalınılmasını xahiş edib.