Ruhuna fikir ver xəstələnməsin

Ruhuna fikir ver xəstələnməsin

Ey adam dinləsən məsləhət verim,
Sözümə diqqət et, gərəkdir inan.
Qüdrət Allahındır, özüdür kərim,
Yox artıq bunları dərk edib, qanan.

Boş demə vicdana qınayar səni,
Tamahdır günaha “doğru-haqq” deyən.
Yəqin ki, dinləyib anladın məni,
Cəzasın çəkəcək haram mal yeyən.

Nə qədər dərdləri ciddiyə alsan,
Çökərək üstünə düyün bağlanar.
Keçmişə baxaraq, geriyə qalsan,
Bu gün də boş-boşa ürək dağlanar.

Düşüncən oyanıb, söndürə bağrı,
Eşqin alovundan istilənməsin.
Məlhəmin sevgidir, nifrətin ağrı,
Ruhuna fikir ver xəstələnməsin.

                              Əziz Qənbərov