SON DƏQİQƏ! Tovuzda itkin düşən məktəbli TAPILDI
Cəmiyyət
04 Apr 2025 09:28
Tovuzda itkin düşən 13 yaşlı qız tapılıb.
Bu barədə News365.az-a Daxili İşlər Nazirliyinin Gəncə regional qrupunun baş inspektoru Eşqin Qasımov məlumat verib.
O bildirib ki, Tovuz Rayon Polis Şöbəsinin əməkdaşlarının keçirdikləri müvafiq tədbirlər nəticəsində A.S.-nin yeri Gəncə şəhərində müəyyən edilərək Tovuz Rayonuna gətirilib. "Hazırda ailəsinə təhvil verilməsi gözlənilir", - deyə məlumatda qeyd edilib.
Xatırladaq ki, Tovuz rayonun Bozalqanlı kənd sakini, 2012-ci il təvəllüdlü A.Süleymanova aprelin 2-də axşam saat 18:00 radələrində oxuduğu Bozalqanlı kənd tam orta məktəbindən çıxıb və evə geri qayıtmayıb. İki gün idi onun axtarışları davam edirdi.
