Şəhid Pərviz Həziyevin anasını ƏƏSMN niyə incidir? - VİDEOFAKT

Şəhid ailələrinə, qazilərə diqqət və qayğıdan çox danışsaq da reallıqda mənzərə fərqlidir. Məsələn, son 2 gündə redaksiyamıza şəhid ailəsinə hörmətsizliklə bağı 2 məlumat daxil olub.

News365.az  xəbər verir ki, bu dəfəki şikayətçi şəhid Həziyev Pərviz Adil oğlunun anası Kətan Həsənovadır. O, 30 ildən çoxdur ki, Beyləqan rayonunun Aşağı Çəmənli kəndində çiy kərpicdən tikilmiş bu köhnə daxmada yaşayır.

İndi də ağır onkoloji xəstəlikdən əziyyət çəkir. 30 ilə yaxındır ev növbəsi gözləyir, amma nə hikmətsə bir türlü bu növbə gəlib çatmır. Halbuki, 44 günlük müharibədə şəhid olanların ailələri belə mənzillə təmin olunub.

Halbuki, Kətan ananın elə öz həyətində ona ev tikmək mümkündür.

İndi Allah nə qədər ömür veribsə, qalan ömrünü torpağa verdiyi balasının ruhu xatirinə yeni mənzildə yaşama sevincini ona yaşatmaq Əmək və Əhalinin Sosial Müdafiəsi Nazirliyinin insağına qalıb.

Qarşı tərəfin mövqeyini verməyə hazırıq.

News365.az