Qarabağ və Şərqi Zəngəzurda məktəbəqədər təhsil genişlənir

Qarabağ və Şərqi Zəngəzurda məktəbəqədər təhsil müəssisələrinin sayı artırılacaq

News365.az xəbər verir ki, bunu media üçün keçirilən brifinqdə elm və təhsil naziri Emin Əmrullayev deyib.

Nazirin sözlərinə görə, hazırda Qarabağ və Şərqi Zəngəzurda 7 məktəbəqədər təhsil müəssisəsifəaliyyət göstərir. Bu müəssisələrdə 243 uşaqməktəbəqədər təhsilə cəlb olunub.

O, qeyd edib ki, hazırda bu müəssisələrdə 82 nəfər heyət üzvü çalışır. Nazir əlavə edib ki, növbəti tədris ilində bölgədə əlavə olaraq 6 məktəbəqədər təhsil müəssisəsinin açılması planlaşdırılır.