Polşaya gələn Zelenski Makron və Kosta ilə görüşəcək

Ukrayna prezidenti Vladimir Zelenski Beynəlxalq Holokostu Anma Günü və Osvensim həbs düşərgəsindən məhbusların azad edilməsinin 80 illiyi ilə bağlı tədbirlərdə iştirak etmək üçün Polşaya gəlib. Bu barədə onun mətbuat katibi Sergey Nikiforov məlumat yayıb.

Qeyd edilib ki, Polşada Ukrayna lideri Fransa prezidenti Emmanuel Makron və Avropa Şurasının sədri Antonio Kosta ilə görüşəcək.

Xatırladaq ki, bir gün əvvəl Rusiyanın Varşavadakı səfiri Sergey Andreyev Rusiyadan olan diplomatların Polşanın Osvitsim şəhərindəki Osventsim-Birkenau həbs düşərgəsinin azad edilməsinin ildönümü ilə bağlı tədbirlərdə iştirak etməyəcəyini açıqlamışdı. Yanvarın 27-də əcnəbi qonaqların həbs düşərgəsinin azad edilməsinin 80 illiyi ilə bağlı tədbirlərə kütləvi şəkildə gələcəyi gözlənilir. Səfirin sözlərinə görə, nəzəri olaraq Rusiya nümayəndələri də iştirak edə bilərdi, lakin onlar bunu etməyəcəklər, çünki Qərb ölkələri tez-tez tarixi faktları təhrif edirlər.

Tural