Paşinyan Başkənd üçün başından keçə bilərmi?- TƏHLİL

Ermənistanın baş naziri Nikol Paşinyan bəyan edib ki, Azərbaycanla sərhədlərin delimitasiyası prosesi zamanı İrəvan Bakının nəzarəti altında olan “suveren ərazilər”ini geri qaytarmalıdır. Paşinyan bu barədə Teleqram kanalında yazıb.

Bəs, Paşinyanın bəyanatı regionda sülh prosesinə necə təsir edə bilər?

Nikol Paşinyan son dövrlərdə sərhəd məsələləri ilə bağlı çıxışlarında bir neçə dəfə bəyan edib ki, danışıq masasında ərazi və kəndlər məsələsi gündəmdədir. Öz çıxışlarında o, müəyyən “kəndlər”dən və “ərazilərdən” söz açır, bu da regionda narahatlıqlar yaradır. Məsələ yalnız “kəndlərin geri verilməsi” kimi səslənməyib — daha çox prosesin şərtləri və kimin nə tələb etdiyi kontekstində təqdim olunub.

Paşinyan parlamentdə bildirib ki, “Bakının istədiyi kəndlər qeyri-anklav kəndləridir, yəni Azərbaycan ərazisindədir”. 

Azərbaycanın 5 anklav kəndi var.

Bunlardan biri Naxçıvan yaxınlığındakı Kərki kəndidir. Qalan Sofulu, Barxudarlı, Yuxarı Əskipara və Bağanis Ayrım kəndləri isə Qazax rayonunun inzibati ərazisinə daxildir.

Bir kəndsə Gədəbəy rayonu ərazisində olan Başkəndsə vaxtilə ermənilərin yaşadığı ərazi olub. Paşinyan da məhz bu kəndin geri verilməsini istəyir.

Əslində bu delmitasiya və demarkasiya prosesinin bir hissəsidir. Uzun müddət Ermənistanın günahı ucbatından bu proses dayanıb. Amma 8 avqust razılaşmasından sonra digər sahələrdə olduğu kimi sərhədlərin dəqiqləşdirilməsi də gündəmə gəlib.

Lakin Paşinyan Başkənd məsələsini indiki vaxtda gündəmə gətirməsi daha çox siyasi manipulyasiyadır. Çünki qarşıdan seçkilər gəlir. Bu seçkilərdə qalib gəlmək üçün Paşinyan müəyyən gedişlər etmək zorundadır. Başkənd məsələsi də həmin zorluqlardan biridir. Bununla Paşinyan seçicilərini inandırmaq üçün bu tip bəyanatlar verir.

Baxmayaraq ki, bu iddianın perspektivi yoxdur. Çünki Azərbaycan anklavlarından fərqli olaraq Başkənd Gədəbəyin içərilərindədir. Və Ermənistandan o kəndə gediş gəliş çox çətindir. Bunu Paşinyan da yaxşı bilir. Bununla belə erməni cəmiyyətinə nə qədər prinsipial olduğunu göstərmək istəyir.

Paşinyanın bu tip bəyanatları sülh proseslərini ləngidə bilərmi?

Bu o qədər də inandırıcı görünmür. Çünki Paşinyan Vaşinqtonda götürdüyü öhdəlikləri yerinə yetirmək məcburiyyətindədir. Çünki onun tək qalası, arxası ABŞ-dır. Əgər o Trampın layihəsini yarımçıq qoysa o zaman Paşinyan siyasi renadan getməli olacaq.

Bir daha deyirik ki, Paşinyanın məlum bəyanatı daxili auditoriyaya hesablanmış növbəti addımdır.

News365.az