Məktəbdə terrora hazırlıq görən gənc saxlanıldı

Rusiyanın Udmurtiya bölgəsində təhsil müəssisəsinə terror aktı hazırlamaqda şübhəli bilinən şəxs saxlanılıb. Bu barədə Udmurtiya Məhkəmələrinin Birləşmiş Mətbuat Xidməti məlumat yayıb.

Qeyd edilib ki, İjevsk şəhərinin 20 yaşlı sakini məktəbə silahlı basqın etməyi və terror aktı törətməyi planlaşdırıb. Gənc partlayıcı elementləri olan xüsusi qurğunun hazırlanması üçün komponentlər və yandırıcı qarışığı olan şüşə qablar alıb və odlu silah almağı da planlaşdırıb. Şübhəli saxlanılaraq istintaq təcridxanasına yerləşdirilib.

Yerli medianın məlumatına görə, axtarış zamanı ondan tez alışan mayelər və əldəqayırma partlayıcı qurğunun hazırlanmasına dair təlimatlar aşkar edilərək götürülüb. Faktla bağlı cinayət işi açılıb. Gənci 15 ilə qədər həbs cəzası gözləyir.

Tural