Marketlərdən lotoreya biletləri oğurladılar - Saxlanıldılar

Paytaxtın Binəqədi və Xətai rayonlarında yerləşən iki marketdən oğurluq edilib.

Bu barədə News365.az-a Daxili İşlər Nazirliyinin mətbuat xidmətindən məlumat verilib.

Polis əməkdaşlarının həyata keçirdikləri tədbirlərlə qeyd edilən talama cinayətlərini törətməkdə şübhəli bilinən İ.Seyfullayev, A.Vəlizadə və M.Göyüşov müəyyən olunaraq saxlanılıblar. Onların obyektlərdən 3159 manat dəyərində lotereya bileti, tütün məmulatları və spirtli içkilər oğurladıqları məlum olub.

Araşdırmalar davam etdirilir.