Kimlər Fəzail Ağamalının "ipliyini bazara çıxardıb"? - ŞOK DETALLAR

Xəbər verdiyimiz kimi, Fəzail Ağamalının sədri olduğu Ana Vətən Partiyasının son  qurultayında qalmaqal yaşandı.  

F.Ağamalı partiyaya rəhbərliyini deputat qızı Günay Ağamalıya həvalə etmək istəyib. Lakin partiya üzvlərinin bir qismi onun oğlu Elçin Ağamalının namizədliyini dəstəkləyib.

Qurultayda F.Ağamalı ilə oğlu arasında gərginlik yaşanıb. Mühafizəçilərin müdaxiləsi nəticəsində ata-oğul bir-birindən uzaqlaşdırılıb. Və qurultayın işi qeyri-müəyyən vaxtadək təxirə salınıb.

Hadisədən sonra Elçin Ağamalı bir qədər də irəli gedib Ədliyyə Nazirliyinə müracət edib. Və müraciətində iddia edib ki, qurultayda o səs çoxluğu ilə sədr seçilib. Ona görə də onun adı AVP-nin sədri kimi qeydiyyata alınsın.

Təbii ki, baş verənlər Fəzail Ağamalının səhətinə təsirsiz qalmayıb. O evə həkim çağırıb, müəyyən prodsedurlar qəbul etmək zorunda qalıb.

Nə təsadüfdürsə bundan az sonra keçmiş deputatın hər kəsdən gizlətdiyi oğlu üzə çıxdı.

Məlumata görə, həmin şəxs 1987-ci il təvəllüdlü Ağamalıyev İlqar Fəzail oğludur. Ailədə onu daha çox Oleq kimi çağırdıqları üçün bu adla daha çox tanınıb.

İlqarın anası rus əsilli qadındır. Onlar 80-ci illərin sonunda Bakı şəhərində tanış olublar. Bu münasibətdən bir oğlan övladı dünyaya gəlib.

Fəzail Ağamalının rəsmi nikahda olan həyat yoldaşı bu məsələni bildikdən sonra ailədə ciddi problemlər yaşanıb. Bu səbəbdən də F.Ağamalı oğlunu və qeyri-rəsmi münasibətdə olduğu qadını Bakıdan çıxarmağa məcbur olub. O, uşağı və qadını Rusiyanın Sank-Peterburq şəhərinə göndərib.

CityPost.az saytının yazdığına görə, ana və övlad uzun müddət orada yaşadıqdan sonra İlqarın təhsil alması məqsədi ilə Almaniyaya köçüblər. Son illər orada yaşayırlar.

Mənbənin məlumatına görə, İlqar (Oleq) yay aylarında Bakıya istirahətə gəlir. Bu zaman onun atası ilə də görüşdüyü bildirilir. İlqar Ağamalıyev hazırda biznes fəaliyyəti ilə məşğuldur.

Ana Vətən Partiyasının sədri Fəzail Ağamalı faktı təsdiqləyib. Bunu “cavanlıq səhvi” adlandırıb.

“Hər kəsin gənclikdə səhvləri ola bilər. Cavanlıqda çoxunun həyatında belə şeylər olur. Mən niyə danmalıyam ki? Cinayət deyil ki? Hər kəsin şəxsi həyatı ola bilər... Bəli, belə bir romanım olub. Bu gün İlqar və anası ilə əlaqəm yoxdur. Onlar öz həyatlarını yaşayırlar. Lazım olan vaxtlarda köməkliyimi göstərmişəm. Bu məsələ ilə bağlı məni ancaq həyat yoldaşım günahlandıra bilər. Ona da zamanında səhv etdiyimi demişəm. Ondan bu səhvə görə üzr istədim. Vəssalam... Bunun heç kimə dəxli yoxdur. Həyatdır, bir neçə dəfə evlənmək olar. Tramp üç dəfə evlənib... Burda qəribə nə varki?”, - deyə Fəzail Ağamalı bildirib.

Ancaq Fəzail Ağamalının açıqlaması da bu məsələni gündəmdən çıxartmadı. Bu dəfə onun nigahdankənar nəvələri gündəmə gətirildi. Bir sıra media qurumları belə bir xəbər tirajladı ki, Fəzail Ağamalının hər kəsdən gizli saxladığı İlqar Ağamalı hazırda Almaniyada yaşayır və onun iki oğul övladı var. İlqar Ağamalı övladının birinə atasının adını verib. Digər oğlunun adı isə Borisdir.

Yazılanlara görə,Fəzail Ağamalının qeyri-rəsmi əlaqəsi olan həmin qadının adı İradır. O, Elmlər Akademiyasında çalışıbmış. Sayt yazır ki, ailə hazırda Almaniyanın Hamburq şəhərində yaşayır. Fəzail Ağamalının rus xanımdan evlilikdən olan nəvələri 12 və 14 yaşındadırlar.

Təbii ki, uzun illər hər kəs üçün sirr kimi saxlanan bu faktın məhz qurultay olayından sonra üzə çıxarılması xeyli təəcüb doğurur. Etimal edilir ki, kimlərsə Fəzail Ağamalının bir dəfəlik sonunu gətirmək istəyir. Bunun üçün də bütün imkanlardan istifadə edilir. Oğulu ata ilə düşmən edənlər Fəzail Ağamalının nigahdankənar övladının olması faktına da ortaya atması ilə ona daha sarsıdıcı zərbə vurmaq istəyirlər.

Bəzi ehtimallara görə Fəzail bəyin ipliyini bazara oğlu Elçin çıxarıb. Lakin bu o qədər də məntiqli görünmür. Çünki bəzən elə faktlar tirajlanır ki, onlardan yəqin ki, heç Elçinin də xəbəri yoxdur. Elçin də yəqin ki, kimlərinsə sifarişi ilə ortaya düşüb.

Məsələn bir neçə gün əvvəl Fəzail Ağamalı ilə Ramiz Mehdiyevin birgə şəkli paylaşıldı. Bu şəkilsə nə az, nə çox düz 37 il əvvəl lentə alınıb. O zaman Fəzail Gəncədə pedaqoji fəaliyyətdə olub. Və Gəncəyə gələn Ramiz Mehdiyev onunla işgüzar görüş keçirib.

Hələ son dönəmlərdə Fəzail Ağamalının Ramiz Mehdiyevə ünvanladığı tərif dolu məktubunu demirik...

Bütün bunlar bir daha onu sübut edir ki, Fəzail Ağamalının fiziki cəhətdən məhv eləmək üçün bəzi qüvvələr səfərbər olub.

Nəzərə alaq ki, Fəzail Ağamalı ürək-damar xəstəliyindən əziyyət çəkir.

News365.az