İsraildən İrana SƏRT MESAJ: … Zərbə endiriləcək

İsrail ordusunun baş qərargah rəisi İsrailin İrana yenidən zərbə endirə biləcəyinə işarə edib.

News365.az-ın “LeFigaro.fr”ə istinadən məlumatına görə, general-leytenant Eyal Zamir İsrail Müdafiə Qüvvələrinin qərargahında keçirilən komandanlıq dəyişikliyi mərasimində bildirib ki, ordu İsrailin düşmənlərinə lazım olan hər yerdə, yaxın və uzaq cəbhələrdə zərbə endirməyə davam edəcək:

"İsrail tarixindəki ən uzun və ən mürəkkəb müharibənin mərkəzində İrana qarşı kampaniya dayanır. İran İsrailə qarşı addımları maliyyələşdirən və silahlandıran, həmçinin onun məhv edilməsi planlarını dəstəkləyən ölkədir. Düşmənlərimiz bir daha İsrail ordusunun gücünü hiss ediblər. Onlara həm yaxın, həm də uzaq cəbhələrdə lazım olan hər yerdə zərbələr endiriləcək".