İntim görüntü qalmaqalı təsdiqləndi - Arşak Xaçatryan susqunluğunu qorudu

Arxiyepiskop Arşak Xaçatryan ona aid olduğu iddia edilən intim video ilə bağlı jurnalistlərin suallarını cavablandırmaqdan imtina edib.

News365.az xəbər verir ki, o, mövzunu şərh etmək əvəzinə, reportyorlara qısa şəkildə belə deyib:
“İki günə geniş formatda görüşəcəyik, indi isə liturgiyaya gedirik.”

Xaçatryanın bu cavabı ictimaiyyətdə əlavə suallar doğurub, çünki artıq rəsmi təsdiq mövcuddur. Ermənistan İstintaq Komitəsi dünən açıqlama yayaraq aparılmış ekspertiza nəticələrinin videodakı şəxsin Arşak Xaçatryan olduğunu təsdiqlədiyini bəyan edib.

Komitənin məlumatına görə, ekspertiza video materialdakı şəxsin üz quruluşu, səs və digər biometrik göstəricilər üzərində aparılıb və nəticələr tam şəkildə Xaçatryanın şəxsiyyəti ilə üst-üstə düşüb.

Hazırda Ermənistan ictimaiyyəti və kilsə dairələri bu qalmaqalla bağlı rəsmi və geniş izahat gözləyir. Xaçatryanın iki gün sonra vəd etdiyi “geniş formatlı görüş” diqqətlə izlənəcək.