İmamoğluna görə TBMM-də gərginlik yaşandı

Dünya

19 Mar 2025 17:29

İstanbul Böyük Şəhər Bələdiyyəsinin sədri Əkrəm İmamoğlunub saxlanılması fonunda Türkiyə Böyük Millət Məclisində (TBMM) gərgin anlar yaşanıb.

Axar.az xəbər verir ki, məlumatı Türkiyə mediası yazıb.

Bildirilib ki, CHP-nin parlamentdəki qrupunun sədr müavini Əli Mahir Başarır kürsüdən çıxış edərək İmamoğlunun saxlanılmasına sərt etiraz edib.

Onun çıxışı zamanı bütün CHP-çi millət vəkilləri kürsüyə çıxaraq etiraz aksiyası keçiriblər.

Məclisdə yaranan gərginlik səbəbindən iclasa rəhbərlik edən Sırrı Süreyya Öndər sakitliyi təmin edə bilməyib və fasilə vermək məcburiyyətində qalıb.