“Əsrin müqaviləsi Azərbaycan müasir iqtisadiyyatının iqtisadi sosial vəziyyətinin formalaşmasında
əsas həlledici rol oynayan bir sazişdir. Azərbaycanın sonraki onilliklərdə həyata
keçirdiyi iqtisadiyyat, sosial təhlükəsizlik və xarici siyasətinin bünövrəsini
təşkil edir.”
Bu sözləri News365.az-a açıqlamasında iqtisadçı Xalid Kərimli deyib.
“Əsrin
kontraktının bağlandığı ərəfədə Azərbaycan ciddi iqtisadi maliyyə çətinliklər
yaşayırdı. Bu kontrakt sadəcə hansısa yatağın istismarını yox, həm də ölkənin
beynəlxalq əlaqələrinin formalaşması kimi məsələləri həll etdi. Bununla belə, gərgin
və kəskin siyasi sabitsizlik fonunda dünya siyasətində, iqtisadiyyatında neft
sahəsi üzrə söz sahibi olan iri şirkətlərin Azərbaycana cəlbini təmin etdi. Bu baxımdan “Əsrin
müqaviləsi” həm Azərbaycanın indiki iqtisadiyyatının formalaşmasında mühim rol
oynayıb, həm də təhlükəsizlik məsələlərinin formalaşmasında vacib dəstək verib.
Azərbaycan bu
lahiyənin icrasından sonraki illərdə 10 milyarlarla dollar qazanc əldə etdi.”
Müsahibimizin sözlərinə
görə, əldə edilən uğurlar və irəliləyiş birbaşa bu layihə ilə bağlıdır.
“Azərbaycanın ərazi
bütövlüyünün və suverenliyinin təmin edilməsində də əsrin müqaviləsi layihəsinin
icrası mühim rol oynayıb. Azərbaycanın hazırda regional liderə çevrilməsi,
tranzit ölkə kimi dünya iqtisadiyyatına özünü təqdim etməsi, Avropanın enerji təhlükəsizliyində
mühim rol alması birbaşa bu layihənin nəticəsidir.
Ölkədə
yoxsulluğun azalması, yeni iş yerlərinin açılması, ölkə infrastrukturunun yenidən
qurulması, Qarabağ və Şərqi Zəngəzurun azad edilməsi və hazırkı bərpasında bu
lahiyə mühim rol oynayır. 2050-ci ilə qədərdə oynamağa davam edəcək.”