Daha bir oyun baş tutmadı
Bu gün II Liqanın XIV turunda keçirilməli olan “Ağdaş” – “Şimal” qarşılaşması baş tutmayıb.
News365.az xəbər verir ki, bu barədə Peşəkar Futbol Liqasının (PFL) rəsmi saytı məlumat yayıb.
Buna səbəb meydan sahibi klubun qarla örtülmüş ot örtüyünü oyunun reallaşması üçün minimal vəziyyətə gətirmək yönündə hər hansı addım atmamasıdır.
14:00-a təyin olunan oyunla əlaqədar qonaq komanda, hakimlər, AFFA nümayəndəsi, oyun rəsmiləri təyin olunan vaxtda stadionda olublar.
PFL tərəfindən “Ağdaş” klubuna tövsiyələr və 90 dəqiqə əlavə vaxt verilməsinə baxmayaraq, oyunun baş tutması üçün hər hansı cəhd edilməyib. Matçla bağlı yekun qərar AFFA İntizam Komitəsi tərəfindən veriləcək.
Qeyd edək ki, ötən gün “Şahdağ Qusar” – “Kür-Araz” qarşılaşması baş tutmayıb.
