Çin Tayvana qoşun yeritməyə hazırlaşır?

“Şandunq” təyyarədaşıyan gəmisindən Çin Xalq Azadlıq Ordusunun əvvəlcədən planlaşdırılmış təlim zamanı Tayvana mümkün zərbələr endirmək üçün istifadə edilib. Bu barədə ordunun Şərq Zonası Döyüş Komandanlığı WeChat sosial şəbəkəsində məlumat yayıb.

Hərbi dairənin komandiri Şi Yinin sözlərinə görə, təyyarədaşıyan gəmi də daxil olmaqla gəmilər qrupu adanın şərqində yerləşir. Təlimlər zamanı potensial düşmənə dənizdə və quruda zərbələrin endirilməsi üzrə qarşılıqlı fəaliyyətin əlaqələndirilməsi üzərində iş aparılır.

Bundan əvvəl Çin ordusunun Tayvan ətrafında kompleks təlimlərə başlaması barədə məlumatlar yayılmışdı. Ordu müxtəlif istiqamətlərdən gəmilərin və təyyarələrin Tayvana yaxınlaşmasını təşkil etmək üçün quru qoşunları, dəniz qüvvələri, hava qüvvələri, raket qüvvələri və digər bölmələri əraziyə göndərib.

Tural