Bu yolda zəncirvari qəza: Avtomobillərin hərəkəti tam dayandı

Qobustanda buzlu yol zəncirvari qəzaya səbəb olub.

Bu gün səhər saatlarında Qobustan rayonunun Gənci ərazisində hava şəraiti ilə əlaqədar yol səthinin buz bağlaması nəticəsində bir neçə avtomobil hərəkət zamanı idarəetməni itirərək bir-birinə dəyib.
 

Hadisə səbəbindən yolda nəqliyyat vasitələrinin bir istiqamətdə hərəkəti müvəqqəti olaraq məhdudlaşıb.

Əraziyə müvafiq qurumların əməkdaşları cəlb olunub və hərəkətin bərpası istiqamətində tədbirlər görülür.