Bəzi adamlar bu gün və sabah ehtiyatlı olmalıdırlar
Yanvarın
27-28-də orta və güclü səviyyəli maqnit aktivliyi qeydə alınacaq.
Bu günlərdə xüsusilə yuxu rejiminə və qidalanmaya diqqət yetirmək tövsiyə
olunur. Həmçinin, orqanizmi artıq fiziki və emosional yüklənmədən qorumaq
vacibdir. Mütəxəssislər maqnit qasırğalarının ürək-damar sistemi problemləri,
baş ağrıları, yorğunluq və əhval dəyişikliyi kimi təsirlərə səbəb ola biləcəyini
vurğulayıblar.
Risk qrupunda olan insanların sağlamlıqlarına xüsusi diqqət yetirmələri tövsiyə
edilir. Qeyd edək ki, maqnit aktivliyi zamanı bol su içmək, balanslı qidalanmaq
və istirahət rejiminə əməl etmək daha sağlam bir dövr keçirmək üçün faydalıdır.
Güclü maqnit
qasırğaları qısa dalğalı rabitəni və naviqasiya sistemlərinin işini pozur, sənaye
şəbəkələrində gərginliyin pozulmasına səbəb olur. Eyni zamanda bu insan
sağlamlığına da ciddi təsir edir. Çox vaxt belə günlərdə insanlar
sağlamlıqlarının pisləşməsindən, baş ağrılarından, konsentrasiyanın
pozulmasından, yuxunun pozulmasından şikayətlənirlər.
Məsələ ilə bağlı News365.az-a
danışan həkim Rasif Bağırov bu gün bəzi
insanların səhhətlərinə qarşı çox diqqətli olmalarını vacib hesab edir:
“Belə günlərdə müəyyən xroniki xəstəlik keçirmiş cavan adamlarda baş ağrıları
müşahidə olunur. Belə hava əsasən 50 yaşdan yuxarı insanların səhhətinə mənfi təsir
göstərir.
Məsələn, qanında müəyyən yağların miqdarı yüksək olan, qanında qatılıq olan,
bir sözlə qan təzyiqindən əziyyət çəkən insanlara belə hava pis təsir edir.
Bu da özünü baş ağrıları, halsızlıq kimi simptomlarla göstərə bilər. Belə hava
hətta hipertoniyadan ciddi əziyyət çəkən insanların ölümünə belə səbəb ola bilər.
Ona görə də bu günlərdə 50 yaşından yuxarı və qan təzyiqindən əziyyət çəkən
insanlar bir qədər diqqətli olmalıdırlar”.
News365.az