Bakıda silsilə oğurluq edən şəxslər ƏLƏ KEÇDİLƏR
Hadisə
24 Mar 2025 16:29
Bakının Xətai rayonu ərazisində üç avtomobildən 1 600 manat pul vəsaiti, bank kartları və 60 manat dəyərində zinət əşyasının oğurlanması barədə polisə məlumat daxil olub.
Daxili İşlər Nazirliyindən News365.az-a verilən məlumata görə, Xətai RPİ 36-cı Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 23 yaşlı N.Eminov və 38 yaşlı Ə.İsmayılov müəyyən olunaraq saxlanılıblar.
Bundan başqa, Yasamal rayonu ərazisində notbuk, televizor və içərisində 500 manat dəyərində geyim əşyaları olan çantanı oğurlamaqda şübhəli bilinən, əvvəllər məhkum olunmuş 44 yaşlı E.Vəlibəyov müəyyən olunaraq saxlanılıb.
Araşdırmalar aparılır.
