Naxçıvanda ağır qəza: 4 nəfər xəsarət aldı
Hadisə
01 Apr 2025 17:45
Babək rayonunda iki avtomobil toqquşub, 4 nəfər xəsarət alıb.
News365.az xəbər verir ki, hadisə rayonun Çeşməbasar kənd ərazisində qeydə alınıb. 77-YA-725 dövlət nömrə nişanlı "Changan" və 69-TA-153 dövlət nömrə nişanlı "NAZ-Lifan" markalı avtomobil toqquşub.
Qəza nəticəsində Ordubad rayon Vənənd kənd sakinləri - 1960-cı il təvəllüdlü Qafarov Əli Zeynalabdin oğlu, 1963-cü il təvəllüdlü Muxtarova Şahnaz Vəli qızı, 1977-ci il təvəllüdlü Muxtarov Nadir Vaqif oğlu və rayonun Anaqut kənd sakini, 1983-cü il təvəllüdlü Ağayeva Kifayət Cəbrayıl qızı xəsarət alıblar.
Onlar Naxçıvan Muxtar Respublika Xəstəxanasına yerləşdiriliblər. Faktla bağlı araşdırma aparılır.
