Azərbaycanda təşkilat rəhbəri VƏFAT ETDİ

“Vətən Fədailəri”-nin Hüquqlarını Müdafiəsi İctimai Birliyinin sədri, Birinci Qarabağ müharibəsi veteranı Dadaş Quliyev vəfat edib.

Bu barədə “Yeni Sabah”a onun yaxınları məlumat verib.

O, qəfil ürəktutmasından dünyasını dəyişib.

Təşkilat sədri uzun müdddətdir böyrək və ürək çatışmazlığından əziyyət çəkirdi.

Mərhum Astara şəhərində dəfn olunub. Yas mərasimi Bakıda keçiriləcək.

Qeyd edək ki, Dadaş Quliyev 25 may 1966-cı ildə Astara rayonunun Kijəbə qəsəbəsində anadan olub. Birinci Qarabağ müharibəsində iştirak edib.