Avropa gələn qışa qədər qazsız qala bilər

Avropa yanacaq qiymətlərinin yüksək olması səbəbindən gələn qışa qədər qaz ehtiyatlarının tükənməsi riski ilə üzləşir. Bu barədə Bloomberg xəbər agentliyi məlumat yayıb.

"Adətən, anbarda olan qaz ehtiyatları martın sonundan, xüsusən də istehlakın azaldığı istirahət günlərində artmağa başlayır. İndiyə qədər anbarlara çox az qaz daxil olub. Treyderlər aprel ayında yükləmə həcmlərinin artacağını gözləyirlər. Bu qismən onunla əlaqədardır ki, bəzi anbarlarla bağlı, xüsusən də Fransada 2024-cü ilin sentyabr və oktyabr aylarında müqavilə bağlanıb", - köşə yazarı Xavier Blas yazıb. 

Hazırki vəziyyətə 2024-cü ilin noyabr ayından qiymət stimullarının olmaması da təsir edib və bu, bir çox Avropa şirkətlərinin saxlanc yerlərini sifariş etməməsinə səbəb oldu.

Qeyd edək ki, bundan qabaq xarici KİV mart ayında Avropa İttifaqının (Aİ) qaz nəqli sisteminə rekord həcmdə mayeləşdirilmiş təbii qaz (LNG) daxil olması barədə məlumat yaymışdı. Saytlar "Gas Infrastructure Europe"un (GIE) məlumatlarına istinad ediblər. 

Bundan əvvəl Avropa Komissiyasının sədri Ursula fon der Leyen bəyan etmişdi ki, Avropa İttifaqı Rusiya qazından imtina etməlidir.

Tural