Aİ martda qaz idxalında rekord vurub

Mart ayında Avropa İttifaqının (Aİ) qaz nəqli sisteminə rekord həcmdə mayeləşdirilmiş təbii qaz (LNG) daxil olub. Xarici KİV-in yaydığı məlumata görə, bunu "Gas Infrastructure Europe"un (GIE) məlumatları sübut edir.

Mart ayının nəticələrinə görə, Avropa terminallarından Aİ-nin qaz nəqli sisteminə mayeləşdirilmiş təbii qaz axını təqribən 12,7 milyard kubmetr təşkil edib - bu, fevral ayı ilə müqayisədə 17%, 2024-cü ilin mart ayı ilə müqayisədə isə 19% çoxdur: "Yanvar-mart aylarında Aİ-nin qaz nəqli sisteminə ümumilikdə 34 milyard kubmetrə yaxın qaz daxil olub. Bu, 2024-cü ilin eyni dövrü ilə müqayisədə 9,6% çoxdur. Bu rəqəmlər tarixdə rekord qırdı. Əvvəlki maksimum 2023-cü ilin mayında qeydə alınıb - 12,2 milyard kubmetr".

Bundan əvvəl Avropa Komissiyasının sədri Ursula fon der Leyen bəyan etmişdi ki, Avropa İttifaqı Rusiya qazından imtina etməlidir.

Tural