ATƏT-in baş katibindən etiraf: "Yaxşı vəziyyətdə deyilik!"
Dünya
11 Mar 2025 13:58
Avropa Təhlükəsizlik və Əməkdaşlıq Təşkilatı (ATƏT) heç də yaxşı formada deyil və o əvvəlki aktuallığına qaytarılmalıdır. Xarici KİV-in yaydığı məlumata görə, bunu dünyanın ən böyük regional təşkilatı olan ATƏT-in baş katibi Feridun Sinirlioğlu deyib.
“Siz haqlısınız, ATƏT yaxşı vəziyyətdə deyil. Amma bizim ümumi vəzifəmiz təşkilatı əvvəlki aktuallığına qaytarmaqdır”, - o, Moskvada Rusiyanın xarici işlər naziri Sergey Lavrovla danışıqları zamanı deyib.
Martın 11-də ATƏT-in baş katibi Moskvaya işgüzar səfərə gəlib. Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Lavrov və Sinirlioğlu dərin böhran içində olan beynəlxalq təşkilatdakı mövcud vəziyyəti müzakirə edəcəklər.
Tural
