Alma sirkəsinin dəri üçün faydası

Keçmişdən bəri məşhurluğunu itirməyən alma sirkəsi dərini gözəlləşdirən bir çox xüsusiyyətlərə malikdir. Təxminən 5 min il əvvəl kəşf edilən bu möcüzəvi şəfa mənbəyi o illərdə daha çox tibbi məqsədlər üçün istifadə edilib.

Düzgün istifadə edildikdə, alma sirkəsi dərini dərindən təmizləyir, məsamələri daraldır, dərini işıqlandırır.

Alma sirkəsindən 5-6 həftə ərzində istifadə dəridəki ləkələri yox edir. Xüsusilə qocalıqda görünən qəhvəyi ləkələrdə belə təsirlidir.
 

Mütəxəssislər dəri üzərində möcüzəvi təsiri olan alma sirkəsinin dərinin yenilənməsində bir çox dərman və kosmetik məhsullardan daha təsirli olduğunu müşahidə ediblər.

Alma sirkəsinin effektivliyinin çox hissəsi sirkə turşusu və alma turşusu kimi tərkibindəki meyvə turşularına əsaslanır.

Lakin alma sirkəsini birbaşa dərinizə sürtmək dərini qıcıqlandıra bilər. Ona görə də mütləq su ilə qarışım şəklində istifadə etməlisiniz.

Tam dəri hüceyrəsi dövriyyəsi təxminən dörd-altı həftə çəkir, ona görə də faydaların reallaşması üçün bu qədər vaxt gözləmək məsləhətdir.